Fi̇zi̇ki̇ Keyfi̇yyətləri̇n Yeni̇yetmə İdmançilarin Kardi̇orespi̇rator Si̇stemləri̇ndə Funksi̇onal Və Di̇nami̇k Göstəri̇ci̇lərə Fi̇zi̇ki̇ Yükləri̇n Təsi̇ri̇ni̇n Adapti̇v Reaksi̇yalarinin Xarakteri̇sti̇kasi

Məqalədə 10-15 yaşlı yeniyetmə idmançılarda fiziki keyfiyyətlərin inkişafı zamanı tətbiq olunan fiziki məşq yüklərinin yaratdığı dinamik və funksional dəyişiliklərin adaptasiya reaksiyalarının xarakteristikası əksini tapmışdır. Müəyyən olunmuşdur ki, yeniyetmələrin fiziki inkişafına, funksional və dinamik göstəricilərinə və fiziki keyfiyyətlərinə düzgün seçilmiş və pedaqoji-fizioloji cəhətdən əsaslandırılmış məşq yükləri müsbət təsir göstərir. Alınmış nəticələrdən göründüyü kimi, 14-15 yaşlı yeniyetmələrdə bu yaş dövrünə xas adaptiv reaksiyalar onlarda kardiorespirator sistemlərinin funksional imkanlarının artmasına, fiziki iş qabiliyyətinin yüksəlməsinə səbəb olur. Bu xarakterli dəyişiliklər nəbzin və tənəffüsün sayının azalmasında, dərinliyinin artmasında və ürək atmasının çoxalmasında özünü açıq biruzə vermiş olur. Məhz bu yaş dövrlərində oksigen tələbatı və onun sərf olunmasının şiddəti bərabərləşir və hətta bir qədər də yüksəlmiş olur. Kardiorespirator sistemin adaptiv reaksiyalarında şaxələnmələr baş verir.