Ang Estados Unidos sa Hiraya ni Manong Frankie: Paglalapat ng Tematikong Pagsusuri sa mga Nobela ni F. Sionil Jose sa Diwa ng Araling Kabanwahan (The United States in Manong Frankie’s Mind: Araling Kabanwahan in the Thematic Analysis of F. Sionil Jose’s Novels)

Abstrak Ginamit ng pag-aaral ang tematikong pagsusuri upang isalansan ang mga datos mula sa 13 nobela ni F. Sionil Jose ukol sa Estados Unidos at ugnayang Pilipino-Amerikano. Isinagawa ang paspasang pagbasa sa mga nobela, itinala ang mga pahinang may banggit sa “Estados Unidos” at mga salitang kaugnay nito, isinaalang-alang ang konteksto ng bawat banggit, at pinalitaw ang mga temang umiinog dito. Para ito sa layuning makapag-ambag sa Araling Kabanwahan (pagsasa-Filipino ng Area Studies/International Studies), kung saan pinag-aaralan ang mga kabihasnan sa labas ng Pilipinas gamit ang wika-at-perspektibang Pilipino. Hinahangad ng pag-aaral na maitaguyod ang ibayong interseksyon sa pagitan ng Araling Kabanwahan at Araling Panitikan, tungo sa higit na pagsasari-sari ng Araling Kabanwahan. Nakapagpalitaw ang pag-aaral ng 45 sub-tema na ipinailalim sa malalaking tema. Sa pamamagitan ng pagbaybay sa mga sub-temang ito, napansin ang may kalabuang representasyon ni Sionil Jose sa mga Amerikano. Isang sanhi nito ang tendensyang pagtuunan ng pansin ang makauring pagsusuri kaysa makalahing pagsisiyasat. Sa kagustuhang gamitin ang Estados Unidos bilang literary foil upang kastiguhin ang Pilipinong elit bilang pangunahing banta sa bayan, lumabnaw ang negatibong pagsasaimahen sa kolonyalismo/neokolonyalismong Amerikano. Taliwas dito, naninindigan ang Araling Kabanwahan tungo sa balanseng pag-aaral sa iba/kaugnay na kabihasnan, tungo sa maka-Pilipino at makatarungang pagsusuri. (The present study utilized thematic analysis to organize data from 13 novels by F. Sionil Jose that depict the United States and Filipino-American relations. A rapid reading of the novels was conducted, pages containing mentions of the “United States” and other related terms were recorded, the context of each mention was examined, and the themes revolving around them were identified. The study aims to contribute to Araling Kabanwahan (the Filipinization of Area Studies/International Studies), wherein civilizations outside the Philippines are examined using Filipino language-and-perspective. It also seeks to promote a stronger intersection between Araling Kabanwahan and Literary Studies, toward the broader diversification of Araling Kabanwahan. The study identified 45 sub-themes, which were then categorized into larger thematic groups. Through an analysis of these sub-themes, Sionil Jose’s ambiguous representation of Americans was observed. One contributing factor is his tendency to emphasize class analysis over racial inquiry. In his attempt to use the United States as a literary foil to critique the Filipino elite as the primary threat to the nation, his negative portrayal of American colonialism and neocolonialism becomes less pronounced. In contrast, Araling Kabanwahan advocates for a more balanced study of other/fellow civilizations, toward a more distinctly Filipino