Zamonaviy Teleloyihalarda Yoshlar Tarbiyasi Masalasi: “Yoshlar Oqshomi” Teledasturi Misolida

Mazkur maqolada “Yoshlar” telekanalida efirga uzatilayotgan “Yoshlar oqshomi” ko‘rsatuvining yoshlar ta’lim-tarbiyasidagi o‘rni jurnalistik tahlil metodida o‘rganilgan. Tadqiqot jarayonida ko‘rsatuvning beshta soni kuzatuv asosida tahlil qilinib, uning g‘oyaviy yo‘nalishi, janr xususiyatlari, boshlovchilar mahorati va auditoriyaga ta’sir darajasi baholangan. Tahlil natijalari ko‘rsatuvning yoshlar auditoriyasiga ko‘ngilochar va ma’naviy-ta’limiy ta’sir ko‘rsatish imkoniyatlarini hamda mavjud kamchiliklarni aniqlashga imkon bergan. Maqolada tahlil natijalari G. Gerbnerning “Ektishtirish nazariyasi” va A. Banduraning “Ijtimoiy O‘rganish Nazariyasi” asosida talqin qilingan.